Fyrsti dagur vetrar heilsar
með fögrum sólroða og
bleikum glitskýjum í Norðrinu.
Heimur nýr og fagur...
Vekur hugsunina um
mikilvægi þess að eiga
aðgang að öruggu rými
(safe space), í sálinni,
jafnt í vöku sem svefni.
Á dagvaktinni, er örugga rýmið
gjarnan minning/reynsla
af kærri persónu/m og/eða
stað/aðstæðum úr bernskunni
þar sem viðkomandi upplifir sig
öruggan og óttalausan, umvafinn
vernd og skilyrðislausri elsku.
En það gerist líka heilmargt
á næturvaktinni hjá okkur.
Í svefni skapast örugga
rýmið í draumsvefninum.
Við þurfum ekki bara að sofa
heldur líka að dreyma.
Okkur dreymir allar nætur
jafnvel þó við munum
draumana ekki að morgni
eða fáa og etv. bara draumslitur.
En getum gert margt til þess
að þjálfa draumaminnið með
því að skrifa draumana niður
og/eða tala um þá og halda
drauma-dagbók. Sést þá
gjarnan viss þróun yfir
tímabilin þegar skoðað er
til baka. Hvaða tilfinningar
fylgdu draumunum og hvað
voru þeir að segja okkur?
Eru endurtekin mynstur
eða þemu í draumunum
og eru endurteknir draumar
allt frá fyrri tímabilum, jafnvel
bernsku, að minna á sig?
Vert er að hafa í huga
að draumar eiga sér
upphaf í dýpi vitundarinnar,
ekki bara í vökureynslu.
Og það er úr þessu
magnaða skapandi dýpi
vitundar okkar sem gjafir
draumsins berast í svefni.
Opna á nýja sýn og lausnir.
Þ.e.a.s. ef við tökum þann
pól í hæðina að draumar séu
ekki bara merkingarlaust rugl.
En því skal til haga haldið
að margir eru enn þeirrar
skoðunar, bæði leikir og lærðir.
Í draumsvefninum, svokölluðum
Bliksvefni -REM-Rapid Eye Movement,
svefntímabil hraðra augnhreyfinga
en algjörs hreyfingaleysis að öðru leyti,
verða vissar breytingar á efnafræði
í heila þar sem segja má að
streituhormónið-noradrenalín, sé
lokað úti. Raunar eina skiptið á
sólarhringnum sem miðtaugakerfið
losnar undan kvíðahormóninu.
Færi skapast á að endurupplifa
óttavekjandi og erfiða reynslu
vökunnar í öruggu rými/umhverfi
draumsvefnsins, sjá nýja fleti
og opna á aðlögun og heilun
tilfinninga og hugsana.
Þegar unnið er með martraðir
sem gjarnan fylgja mikilli
áfallastreitu, er markmiðið
að finna leið til þess að endur-
skrifa martröðina og milda hana;
draga úr ótta og hjálparleysis-
tilfinningum.
Hægt að byrja á að tengja sig
við jákvæðar myndir, liti,
öruggar senur úr vökunni sem
gefa gleði, vernd og ótttaleysi.
Og smám saman ná að opna
á og deila efiðri draumreynslu
eða martröð með þeim sem
við treystum, trúnaðarvini, drauma-
dagbókinni eða terapista. Öðlast
endurlit (rehearsal), á íþyngjandi
draumreynsluna og áföll vökunnar.
(Imagery Rehearsal Therapy - IRT).
Dag skal að kveldi lofa, segir
hið fornkveðna og mikilvægt
að muna eftir að dvelja líka
í hæglætinu í amstri dagsins
og gefa gaum að rólegum
undirbúningi fyrir svefninn
að kvöldi.
Ljóst að vitundin starfar ötullega
allan sólarhringinn og gefur
okkur góð bjargráð til þess
að dvelja í öruggu rými drauma
og ná að heilast í terapíu nætur.
Það kemur alltaf nýr dagur...
#
| 
